MAGG

MAGG - MASTERCROSSMTB

Magg

 

L'è chi, de noeuv

el mes de magg.

El mes di ròs

e di i magioster.

Ven sù l'insalata

e i ravanej.

I praa hinn

de tucc i color,

paren ricamaa.

 

L'è 'l mes de la Madònna.

Ona vòlta i tosann andaven

in gèsa de sira a la novèna.

E nun sbarbaa i specciàvun

per podè limunà on ciccin.

 

Gh’è la fèsta della mama.

Se pensi a la mia,

me ven el magon.

Semper dree a laorà,

fadigà, cusinà.

Semper pronta a coccolamm.

Se quai volta,

la me scaldava el cuu.

L'avèvi fada pròppì gròssa.

         

Magg festa de la mama

de la Madòna e dei morus

a l’è el mes de l’amor.

                            

                             Nonno Berto