FERAGOST

FERAGOST - MASTERCROSSMTB

 

  Feragost                                                                         

 

 

 

 

 

L'è el 15 d'agost,                              

 

 

gh'è on sòffech de crepà.                          

 

 

Nel me cortil,                                    

 

 

on silenzi irreal.                                 

 

 

Se senten nò i bagai                    

 

 

a giogà e vosà, e                                                   

 

 

i dònn a cicciarà tra de lor.                  

 

 

Radio i televisur tasèn.                        

 

 

Par de vèss,                                    

 

 

in on alter mond.                               

 

 

Par che la gent,                                 

 

 

all'improvvis,la sia sparida.                   

 

 

I tapparei hinn tucc giò                        

 

 

I pòrt hinn sprangaa.                    

 

 

In la via                                           

 

 

gh'è domà dò macchin.                      

 

 

El bar,Euro,                                      

 

 

anca lù, l'è saraa sù.                          

 

 

El so el segutta a piccà,                      

 

 

fà on grand cald dannaa.                     

 

 

Gh'è nissun                                      

 

 

de podè cicciarà.                              

 

 

Voeuri andà a spass,                          

 

 

ma se s'ciòppa del cald.                     

 

 

Pazienza!                                               

 

 

Ch'el passa,                                     

 

 

anca stò Ferragost.                            

 

 

Tornerà,la vita,                           

 

 

el frèsch e la gent                              

in stò paes.