El rosari cines
Sent l’ultima Roberto, ier
ho legiuu su’ l Giornal,
a pagina dodes ona notizia
che la m’ ha faa pensà.
Ona ditta che la vend i rosari
l’ ha faa ona ordinazion de
desmila pèzzi, ai cines.
Fin chi niént de mal.
Se sa che in Cina la mandòpera
la costa nagòtta, ma ell bell, a l’è che,
gh’hann faa ona gionta, senza dì nient,
gh’ hann taccaa cinqu grànn in pù,
i fil eren de vundes al pòst de des.
Apriti cielo! El padron de la ditta
el toeù sù el telefono
el ghe fa notà la differenza
di rosari, cont el sò campion.
El cines, tant gentil, el gh’ha risponduu;
El campion l'era tròpp piccol
el ghe passava nò per el coo e
inscì per fall passà, ghe n’ emm
taccaa cinqu e adess per el coo
ghe passen senza fadiga.
El padron de la ditta el ghe fa notaa
che l'è nò ona collana
ma on stument de fede.
El cines de rimand;
E me le cunta sù adess,
doveva dimmel prima
che eren nò collànn,
che ne soo mì de la vostra religion,
numm credevom de fagh on piase e
de fagh on des per cent de scunt.
Intanta ch’ hin lì che bacajavenn,
la Madòna in ciel
la rideva, e la diseva;
Quei che cred nò,
Hann faa aumentà i orazion
del des per cent.
Chi l’è che l’è sta quell sant,
che el gh'ha daa l'ispirazion al cines?
La ved l'Ambroeus che se la rid,
La Madòna la gh’ha dii;
Ambroeus: tì te ne see nient?
L'Ambroeus de rimand;
A dì la verità , avevi suggerii
el vint per cent,
per fann una donzena per fila,
a l’ antigà, come ai mè temp!
Roberto t’ hee capii che notizia!
Inde la vita aumenta tutt,
insci hinn aumentaa i preghier.
Ma la curia l’ ha minga acceetaa
L’ ha ordinaa de scortà i rosari.
Che peccaa!
El padron dei rosari,
l’ ha tira giò i Ave Maria.
In Polania hann tiraa giò...
el scunt che hann fa i cines.
E così sia.
NONNO BERTO
