CAN

CAN - MASTERCROSSMTB

 CAN

 

Can, no te si mio.

Te ga n' altro paron.

Te si magro e straco

ma un ocio bon me par.

Te vardo perchè sì,can te me piasi.

Te va de qua de là, te tasi

e po ' te lassi star.

Te va col to trotèto

che la strada no pesa, sito sito.

Dove? No se sa.

 

Can se te digo tuto, me scòltitu?

Senti: son vegnù qua

ne la casa granda dei veci

che xe morti, solo.

Ti, te si entrà dal me restel za verto

in giardin par vardar.

Cossa vardar? Un omo griso

tra do ortighe che fiorisse e che more

ogni ano, can.

 

Can,ti te conossi el to paron

e col tè bate te piazi e te ride

a la to moda dopo.

Mi so che go paron,

ma chi ch' el sia no so.No l' ho mai visto

e col me bate bestemo.

 

Eco qua.Son tornà ne la me càmera,

vècia a copar i mussati sui muri

cò la savata ogni sera.

Son tanto stufo, can.

No ghe mi. E pur te speri,te vivi

e la to ànema va drio le to gambe

 

da canton a canton

su la strada ogni dì.

 

 

 

 

Can pien de pulzi, de forza. de fame,

can tuto curame.

 

Can grando can serio can mai contento,

can pien de tormento.

 

Can desarà can superbo e curioso

can capriçioso.

 

Can co' le cagne ogni tanto; can bon,

can savaton.

 

Can moscador.pien de farfale in testa,

can de festa

 

e da lavoro.Can senza partìo,

can finìo.

 

Can de cuor, can cazzadòr,can foresto

ma de sèsto.

 

Can che dorme, rùstego; can maton

sempre de sbrindolon.

 

Can povero e sior, tuto el dì a çercar

quel che no te pol trovar.

 

Can drito e s-cièto de drento e de fora,

can de la mal ora.

Tuto can.

Vien qua. Dame la sata, can.

E po' scapa, scapa, se no te bato

( mi , mi, me bato...) Frusta via, can.

                                                       

                                                               E. Calzavara

DA OMBRE SUI VERI

ASD IPERLANDO, UNA VERA CORAZZATA VINCENTE

ASD IPERLANDO, UNA VERA CORAZZATA VINCENTE - MASTERCROSSMTB

CLICCA SULLA FOTO PER LE CLASSIFICHE DI L. FORNASIERO

GUARDA IL NOSTRO CANALE YOUTUBE

MASTERCROSSMTB CHANNEL

OLD BIKER IN GRANDE ESPANSIONE CON DIVERTIMENTO

OLD BIKER IN GRANDE ESPANSIONE CON DIVERTIMENTO - MASTERCROSSMTB

CLICCA SULLA FOTO PER L'ARTICOLO DI L. FORNASIERO

ANGELO LO RICORDIAMO NOI

ANGELO LO RICORDIAMO NOI - MASTERCROSSMTB

CLICCA SULLA FOTO PER L'ARTICOLO DI C. CATIZZONE