AUTUNN

AUTUNN - MASTERCROSSMTB

Autunn                                    

                                   

 

L'è tornaa l'autunn!                                 

cont i sò regai:                                 

el fregg, el pioeuva,                          

e la scighéra, giàzz,                         

brina, on poo de név.                 

Poeu te ciappet:                       

toss, bronchitt,                                

raffreddor e sinusitt,                       

e parlemen nò                                  

de fever e polmonitt.                

Hinn lì pront, bei                              

e cald, a fà soffrì.                           

Hinn content, dottor,                       

farmacisti e infermér.                      

Te carézzen, el cuu                         

con di grand pontùr.                         

Lor in content de                             

impillolen, te siringhen.                                                       

Te set consciàa,                                      

come on ràtt,                                  

che l'è finii tra                                

i sciampitt del gàtt.                          

E, sì! L'autunn, se sà,                        

l'è pròppi màtt.                        

Per fortuna che ghè il vin.             

Te cascet giò                                

on bell bicceròtt,                                     

de quel bon e                                   

all'autunn che i malann                     

te fà végnì, te ghe                    

penset pròppi pù.      

                       

NONNO BERTO